ဗေဒင်လာမေးသည့် အမျိုးသမီးများကို ကာယိနြေ္ဒပျက်ပြားအောင် ပြုမူသည့် ဗေဒင်ဆရာ ဟောခန်းပိတ်ထား


ဗေဒင်လာမေးသည့် အမျိုးသမီးများကို ကာယိနြေ္ဒပျက်ပြားအောင် ပြုမူခဲ့သည်ဟု အွန်လိုင်း(ဖေ့စ် ဘွတ်ခ်) ပေါ် တွင် စွပ်စွဲချက်များထွက်ပေါ်နေသည့် ဗေဒင်ဆရာအောင်ချစ်ပိုသည် ဇန်န၀ါရီ ၂၅ ရက်တွင် ဟောခန်း (ဆိုင်ခန်း)ပိတ်ထားပြီး ထွက်ပေါ်နေသည့် စွပ်စွဲချက်များအပေါ် အခြေခံကာ အောင်ချစ်ပိုကို အရေးယူမှုတခုခု ပြုလုပ်ရန် ဆုံးဖြတ်ထားသည်ဟု ကိုးထပ်ကြီးဘုရားဂေါပကအဖွဲ့က ပြောကြားသည်။


''ဆရာကြီးမင်းသိင်္ခ၏ တပည့်ရင်း ဆရာအောင်ချစ်ပို''ဟု ဆိုင်းဘုတ်တင်ထားသည့် ဗေဒင်ဆရာအောင်ချစ်ပို၏ ဟောခန်းသည် ရန်ကုန်မြို့ စမ်းချောင်းမြို့နယ် ဗားကရာလမ်းပေါ်ရှိ ကိုးထပ်ကြီးဘုရား၏ အရှေ့ဘက်မုခ် ကားရပ်နားကွင်းရှေ့တွင်ရှိပြီး ဇန်န၀ါရီ ၂၅ ရက်တွင် ဟောခန်းပိတ်ထားကြောင်း၊ ဖေ့စ်ဘွတ်ခ်ပေါ်တွင် ပျံ့နှံ့နေသည့် စွပ်စွဲချက်(သတင်း) များကိုလည်း ဂေါပကအဖွဲ့က လေ့လာသိရှိထားကြောင်း၊ ယင်းစွပ်စွဲချက်များ သည် အတည်ပြုရန်လည်း လိုအပ်နေသေးပြီး ဇန်န၀ါရီ ၂၅ ရက် နံနက်ပိုင်းက ပြုလုပ်ခဲ့သည့် ဂေါပကအဖွဲ့ အစည်းအဝေးတွင် အရေးယူမှုတခုခုပြုလုပ်ရန် ဆုံးဖြတ်ခဲ့ကြောင်း ယင်းဘုရားဂေါပကအဖွဲ့ စီမံရေးရာမှ ဦးဇော် လွင်ထွန်းက ဇန်န၀ါရီ ၂၅ ရက် နေ့လယ်ပိုင်းတွင် News Watch သို့ ပြောကြားခဲ့သည်။


''ဖေ့စ်ဘွတ်ခ်မှာ ပျံ့နေတယ်ဆိုတာတော့ ဘဘတို့လည်းပဲ ကြည့်တယ်၊ ရှုတယ်၊ လေ့လာပြီးပြီ။ အဓိကကတော့ သူ့ရဲ့စာရိတ္တပိုင်းဆိုင်ရာ အားနည်းချက်လို့ သုံးသပ်လို့ရတယ်။ ဒါကို အတည်ပြုဖို့လိုတယ်။ ဖေ့စ်ဘွတ်ခ်ပေါ်မှာ ပျံ့နှံ့နေတဲ့အတိုင်း ဒီလူသည် စာရိတ္တပိုင်းချို့ယွင်းတယ်။ ဗေဒင်ကို အကြောင်းပြုပြီးတော့ အမျိုးသမီးတွေရဲ့ ကာယိနြေ္ဒထိခိုက်အောင် လုပ်ရိုးမှန်ရင် အပြစ်တစုံတရာပေးဖို့ ဒီမနက်ပဲ ဂေါပကတွေ တိုင်ပင်လိုက်တယ်။ အဲဒီတော့ သူက ဒီနေ့ဆိုင်ပိတ်ထားတယ်။ မလာဘူး'' ဟု ဦးဇော်လွင်ထွန်းက ပြောကြားသည်။


ဗေဒင်လာမေးသည့် အမျိုးသမီးများကို ဗေဒင်ဆရာအောင်ချစ်ပိုက ကာယိနြေ္ဒပျက်ပြားအောင် ပြုမူခဲ့သည်ဟူ သော စွပ်စွဲချက်များ ဇန်န၀ါရီ ၂၄ ရက်မှစတင်ကာ ဖေ့စ်ဘွတ်ခ်ပေါ်တွင် ပျံ့နှံ့ခဲ့ခြင်းဖြစ်သည်။ သို့သော် ဂေါပကအဖွဲ့သို့ လာရောက်တိုင်ကြားသူတဦးတယောက်မှမရှိဟု ဦးဇော်လွင်ထွန်းက ပြောကြားသည်။


''အခုဖေ့စ်ဘွတ်ခ်ပေါ်မှာ တက်တာက တယောက်မဟုတ်ဘူး။ နှစ်ယောက်တို့၊ သုံးယောက်တို့ တွေ့မှာပေါ့။ ကောင်းပြီ။ ဘဘတို့မှာအုပ်ချုပ်တဲ့ ဂေါပကရုံးတွေရှိပါလျက်နဲ့ သူတို့က ဘာလို့လာမတိုင်တာတုံး။ တကယ်လို့ သာ အဲဒီအချိန်မှာ လာတိုင်လိုက်ရင် ပြီးပြီ။ ပွဲကပြတ်သွားပြီ။ တို့လည်း ဖေ့စ်ဘွတ်ခ်ပေါ်မှာ ပျံ့မှ သိရတယ်ဆို တော့ အများသိသလိုပဲ နောက်ကျပါတယ်။ အဲဒီအပေါ်မှာတော့ အားမရဘူး။ တကယ်တမ်း ဒီလိုကိစ္စတွေ ဖြစ်ပေါ်ခဲ့သည်ရှိသော် ဂေါပကမှာ အချိန်မီလာရောက်တိုင်ကြားနိုင်ပါတယ်။ တိုင်ကြားရင် ထိထိရောက်ရောက် အရေးယူပေးပါမယ်လို့ ပြောလိုပါတယ်။ ဖေ့စ်ဘွတ်ခ်မှာ ပါတာပဲကွာ၊ ဟုတ်ချင်မှ ဟုတ်မှာပေါ့လို့ ပေါ့ပျက်ပျက်အတွေးမျိုးတို့မှာ မရှိဘူး။ ဒီကိစ္စကို တော်တော်လေး အလေးအနက်ထားတယ်။ လောလောဆယ် ဆိုင်ပိတ်နိုင်တဲ့ အခွင့်အရေးရှိတယ်။ ဆိုင်ပိတ်တာကာလ အပိုင်းအခြားအရသော်လည်းကောင်း၊ အမြဲတမ်း သော်လည်းကောင်း ဖြစ်စဉ်ရဲ့အတိမ်အနက်၊ သူကျူးလွန်ထားတဲ့ကိစ္စရဲ့ အတိမ်အနက်အပေါ်မှာ မူတည်ပြီး တော့ တခုခုတော့လုပ်ရမယ်''ဟု ၎င်းက ပြောကြားခဲ့သည်။


 


 


 

ဦးဇော်လွင်ထွန်း(ဘုရားဂေါပကအဖွဲ့ဝင်)

ယင်းစွပ်စွဲချက်များနှင့်ပတ်သက်၍ ဇန်န၀ါရီ ၂၄ ရက်တွင် ဖေ့စ်ဘွတ်ခ်၌ ကနဦး ပို့စ်ရေးတင်ခဲ့သည့် အမျိုးသမီး က ပထမတွင် ခေါင်းကိုဂါထာရွတ်ပြီး သပ်ချကြောင်း၊ ပြီးလျှင် နားရွက်ကိုပွတ်ကြောင်း၊ တဖြည်း ဖြည်းနှင့် ရင်ဘတ်ကို ကိုင်လာကြောင်း၊ ဗိုက်နှင့်ပေါင်ကိုလည်းပွတ်ကြောင်း ရေးသားဖော်ပြခဲ့သည်။


''ဘယ်သူ့ကိုမှတော့ ရှက်ပြီးတိုင်ခဲ့ခြင်း မရှိပါဘူး။ ဖြစ်ပျက်ခဲ့တာ လည်း တလကျော်လောက်ရှိပြီဆိုပေမဲ့ စဉ်းစားမိတိုင်း ဒေါသထွက်တာရယ်၊ နောင်မိန်းကလေးတွေ ယုံစားမိမှာရယ်၊ စိုးရိမ်တာကြောင့် အရဲစွန့်ပြီး တင်လိုက်တာပါ။ ဒီလိုအဖြစ်အပျက်ကိုခံရတာ ညီမတယောက်တည်း မဟုတ်ဘူး။ comment တွေမှာလည်း သူတို့အဖြစ်အပျက်ကို ပြောထားကြသလို ညီမကိုလည်း ကိုယ်တိုင်လာပြောပြကြတာတွေရှိပါတယ်။ ညီမဘက် က မဟုတ်မမှန် စွပ်စွဲပြီးပြောတာမျိုး မဟုတ်ဘူးဆိုတာကိုတော့ တာဝန်ယူပါတယ်''ဟု ယင်းအမျိုးသမီးက News Watch သို့ ပြောကြားခဲ့သည်။


ယင်းအမျိုးသမီး၏ပို့စ်ကို ပြန်ရှယ်ပြီး အတွေ့အကြုံကို ပြန်လည်ရေးသားဖော်ပြခဲ့သည့် တခြားအမျိုးသမီးတဦး က ''ကိုယ်တိုင်အဖြစ်အပျက်ပါ။ ဆိုင်နာမည်က အောင်ချစ်ပို။ ကိုးထပ်ကြီးဘုရားထောင့် စွန်းအခန်းပါ။ အခု သူက TV မှာတောင်ပါနေပြီ''ဟု ရေးသားဖော်ပြခဲ့သည်။


''ညီမလည်း ရှက်တော့ ဘယ်သူမှတောင် ပြန်မပြောရဲခဲ့ဘူး။ ကိုယ်တယောက်တည်း ဖြစ်ခဲ့၊ ကြုံခဲ့ရတယ် ထင်လို့။ အခုမှ ဒီလိုတွေဖြစ်ကြတယ်ဆိုတာ သိလို့ပြောပြလိုက်ရတာ။ လေး၊ ငါးလလောက်တော့ရှိပြီ။ အစ်မနဲ့ သွားမေးတာ။ သူက အစ်မကို အပြင်ခဏထွက်ခိုင်းပြီး ညီမကိုမေးတာ။ အခု အဲဒီလူကို တရားစွဲဖို့အကုန်ဝိုင်း စဉ်းစားထားကြတယ်''ဟု ယင်းအမျိုးသမီးက ထပ်မံအတည်ပြုပြောကြားခဲ့သည်။


ယင်းစွပ်စွဲခံရသည့် ဗေဒင် Aung Chit Po အမည်ဖြင့် ဖေ့စ်ဘွတ်ခ်အကောင့်ဖွင့်ထားပြီး ၎င်းတင်ထားသည့် ပို့စ်တချို့အောက်တွင် ''တဏှာ ရူးကြီး၊ မိန်းကလေးတွေရွေးပြီး မတော်ရာ နှမချင်းမစာနာ ပွတ်ချင်တဲ့ တဏှာရူး၊ သူတောင်းစား ဗေဒင်ဆရာ၊ နင့်အကြောင်း လူတွေအကုန်သိနေပြီ။ fb ပေါ်ပျံ့နေပြီ''ဟု comment ၀င်ရေးထား သည့် အမျိုးသမီးတဦးကိုလည်း တွေ့ရသည်။ ထို့အပြင် ၎င်းအကောင့်တွင် Channal 9 အတွက် ဗေဒင်ဆရာ အောင်ချစ်ပိုကိုယ်တိုင်ရိုက်ကူးရေးလုပ်နေသည့်ပုံများ တင်ထားသည်ကိုလည်း တွေ့ရသည်။         


မင်းထင်