မန္တလေးရွှေနန်းတော်ကျောင်းကြီး ပြုပြင်ထိန်းသိမ်းရေးတွင် သဘောကွဲလွဲမှုများရှိနေ၍ ထောက်ပံ့မှုများ ဆက်လက် ပေး၊ မပေး အမေရိကန်သံရုံးနှင့် WORLD MONUMENTS FUND တို့ စဉ်းစားနေ


မန္တလေးမြို့ ရွှေနန်းတော်ကျောင်းကြီးကို ပြုပြင်ထိန်းသိမ်းရေးလုပ်ငန်းများအတွက် အမေရိကန်သံရုံးနှင့် WORLD MONUMENTS FUND တို့က ရန်ပုံငွေထောက်ပံ့မှုများ ပြုလုပ်ပေးထားပြီး ပြုပြင်ထိန်းသိမ်းရေး လုပ်ငန်းများတွင် ရှေးဟောင်းသုတေသနအဖွဲ့နှင့်လုပ်ငန်းအတွင်း သဘောထားကွဲလွဲမှုများရှိနေသည့်အတွက် ထောက်ပံ့မှုများကို ဆက်လက်ပေး၊ မပေး ဆွေးနွေးနေကြောင်း ပြုပြင်ထိန်းသိမ်းရေး ပရောဂျက်ဒါရိုက်တာ Jeffery Allen က ပြောသည်။


ရွှေနန်းတော်ကျောင်းကြီး၏တိုင်များတွင် အောက်ခြေများဆွေးနေပြီး ကုန်းဘောင်ခေတ်က စတင်ဆောက်လုပ်ထားသည့် ရွှေနန်းတော်ကျောင်းလက်ရာအတိုင်း ဆွေးနေသည့်နေရာများကို အစားထိုး၍ပြုပြင်ရန် ပရောဂျက်လုပ်ကိုင်နေသူများက ဆန္ဒရှိနေပြီး ရှေးဟောင်းကမူ ဆွေးနေသည့်တိုင်များကို စတီးပိုက်များဖြင့်ထောက်၍ ထိန်းသိမ်းလိုသည့်အတွက် ၎င်းအစီအစဉ်ကို လက်မခံနိုင်ကြောင်း Jeffery Allen က ပြောသည်။


''ကျွန်တော်တို့ အောက်တိုဘာထဲက ဒီဟာကို ခွင့်ပြုချက်တောင်းတယ်။ အောက်တိုဘာကစပြီး အလုပ်လုပ် လို့မရဘူး။ ရှေးဟောင်းနဲ့ ကျွန်တော်တို့နဲ့မတူညီတဲ့ အိုင်ဒီယာတွေရှိနေလို့။ တိုင်းအဟောင်းတွေရဲ့ဘေးမှာ စတီးပိုက် ထောက်ပြီး ထိန်းသိမ်းချင်တာ။ စတီးပိုက်နဲ့ထောက်တယ်ဆိုတာ နိုင်ငံတကာက ထိန်းသိမ်း စောင့်ရှောက်ရေးနဲ့ကျ နည်းနည်းကွဲလွဲနေတယ်။ အရင်ကလည်း ဒါမျိုးစတီးပိုက်နဲ့ထောက်ပြီး ထိန်းသိမ်းတာ ပုဂံမှာ တွေ့ဖူးတယ်။ စတီးပိုက်နဲ့ထိန်းသိမ်းတာကျတော့ ယာယီသဘောထိန်းသိမ်းတာလို့ပဲ ယူဆတယ်။ ဒီမှာ အခုရှိတာက မြေပေါ်တိုင်တွေပဲရှိတော့တာ။ ကုန်းဘောင်ခေတ်က ဆောက်ခဲ့တာမြေစိုက်ဖြစ်တယ်။ ကုန်းဘောင်ခေတ်ဆောက်လုပ်ရေး နည်းပညာကိုမှီငြမ်းတဲ့အနေနဲ့ ကျွန်တော်တို့က မြေ စိုက်ဆောက်မယ်ဆို ဆွေးတဲ့နေရာလေးကို တိုင်ပြန်ဆက်ဖို့လိုလာပြီ။ အဲဒီတော့ လုံးဝကို အခြေပျက်စီးနေတဲ့တိုင်တွေကို ပျက်စီးတဲ့နေရာတွေမှာ အစားထိုးဖို့အဆိုပြုတာ''ဟု ၎င်းက ဆိုသည်။


လတ်တလောတွင် အမေရိကန်သံရုံးနှင့် WORLD MONUMENTS FUND တို့က ထောက်ပံ့ပေးမှုများကို ဆက်လက်ပေးသင့်၊ မပေးသင့်ကို ဆွေးနွေးနေဆဲဖြစ်ပြီး ဆက်လက်ထောက်ပံ့ပေးမည်ဆိုပါက အခြားနည်းလမ်းများဖြင့် အစားထိုးပြုလုပ်နိုင်ရန် ရှိ၊ မရှိကို ဆက်လက်ဆွေးနွေးနေကြောင်း သိရသည်။ လက်ရှိ ပရောဂျက်နှင့်ပတ်သက်၍ တင်ပြထားသည်များကို ရှေးဟောင်းက ပြန်လည်ဆန်းစစ်၍ ခွင့်ပြုပေးရန် မျှော်လင့်ကြောင်းလည်း Jeffery Allen က ပြောသည်။


''ရွှေကျောင်းဝရန်တာအောက်မှာ ကွန်ကရစ်ခင်းထားတာလေးရှိတယ်။ အဲဒါက တကယ်တမ်းတော့ လျှောက်လမ်းလေးပါ။ အပေါ်က ၀ရန်တာက တကယ့်ဝိတ်လာမယ်ဆိုရင် ၀ိတ်ကအောက်ကထောက် ထားတဲ့စတီးပိုက်ကတဆင့် ကြမ်းခင်းပေါ်ကိုရောက်မှာ။ အဲဒီတော့ ခင်းထားတာက အဆင်မပြေဘူး။ ဒီတိုင်တွေကို ထိန်းသိမ်းရမယ်ဆိုတာ သူတို့လည်းသိထားပြီးသား။ တကယ်လို့ မိုးရာသီနဲ့ ရာသီဥတုဒဏ် ခံလာရပြီဆိုရင် တကယ်ထည့်စဉ်းစားရမှာက အဆောက်အဦရဲ့ခံနိုင်ရည်၊ ရှေးဟောင်းပစ္စည်းကို ထိန်းသိမ်းတာ မှန်သော်ငြားလည်းပဲ ခံနိုင်ရည်ကိုကြည့်ရမယ်။ အရင်တုန်းက ဆောက်လုပ်ထားတဲ့ နည်းပညာတွေ မပျောက်ပျက်အောင် ထိန်းသိမ်းဖို့ လိုတယ်။ အဆောက်အဦက ကြာလာရင် သစ်သားအဆောက်အဦဖြစ် တဲ့အတွက် ဆွေးသွားမှာပဲ။ ဒါပေမဲ့ နောက်တချိန်မှာ တည်ဆောက်ခဲ့တဲ့ နည်းပညာစနစ်တွေကို လက်ဆင့်ကမ်းလို့ရတယ်။ ကုန်းဘောင်ခေတ်ရဲ့ မြေစိုက်ဆောက်နည်းတွေ၊ ထုပ်စွပ်လျောက်စွပ်နည်းတွေကို အနာဂတ်မှာ လက်ဆင့်ကမ်းသွားလို့ရတယ်''ဟု ၎င်းက ဆက်ပြောသည်။


 

အမေရိကန်နိုင်ငံ သံအမတ်ကြီးများ ရန်ပုံငွေမှ လှူဒါန်းငွေ အမေရိကန်ဒေါ်လာ ငါးသိန်းဖြင့် ရွှေနန်းတော်ကျောင်းကြီး ပြုပြင်ထိန်းသိမ်းခြင်းလုပ်ငန်းများကို ၂၀၁၄ ခုနှစ်တွင် စတင်လုပ်ကိုင်ခဲ့သည်။ ၎င်းလှူဒါန်းငွေများသည် ၂၀၁၆ ဇွန်လတွင်း ဘတ်ဂျက်ပြီးဆုံးခဲ့ပြီး ဆက်လက်၍ ပြင်ပပုဂ္ဂလိက အလှူရှင်များ၏ လှူဒါန်းငွေ အမေရိကန်ဒေါ်လာ ငါးသောင်းနီးပါးဖြင့် ဆက်လက်ဆောင်ရွက်ခဲ့သည်။ ယင်းနောက်တွင် အလှူငွေထပ်မံရရှိရန် အတွက်လျှောက်ထားခြင်းများပြုလုပ်ခဲ့ရာ အောက်တိုဘာလအတွင်း ရန်ပုံငွေဒေါ်လာ သုံးသိန်းထပ်မံရရှိခဲ့ကြောင်း WORLD MONUMENTS FUND မှ သိရသည်။


လက်ရှိတွင် နယားရုပ်များကိုပြုပြင်ထိန်းသိမ်းခြင်းများလုပ်ဆောင်နေပြီး အနောက်ဘက်အခြမ်းမှတိုင်များကို ယခင်ကုန်းဘောင်ခေတ်နည်းပညာအတိုင်း သံမပါဘဲ ထုပ်စွပ်လျောက်စွပ်နည်းများဖြင့် အစားထိုးထားသည်။ အခြား ၃ ဘက်မှ တိုင်များကို ဆက်လက်လုပ်ဆောင်ခွင့် မပေးသည့်အတွက် ရပ်နားထားရခြင်းဖြစ်ကြောင်း သိရသည်။


လင်းထက်(မန္တလေး)