“တိရစ္ဆာန်ဥယျာဉ်(ရန်ကုန်)ကို   ထူးကုမ္ပဏီများအုပ်စုက  ၂၀၁၁ ကနေ ၂၀၂၁ အထိ ၁၀ နှစ် ငှားရမ်းထားတယ်။   ထူးကုမ္ပဏီကို  အပြီးလွှဲတာ မဟုတ်ဘူး”

ဦးပြည့်စုံမျိုး


 


သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန(တိရစ္ဆာန်ဥယျာဉ်များဌာန) ညွှန်ကြားရေးမှူး ဦးပြည့်စုံမျိုးနှင့် တွေ့ဆုံခြင်း


 


မေး- တိရစ္ဆာန်ဥယျာဉ်(ရန်ကုန်)ကို သစ်တောဦးစီးဌာနဲ့ ထူးကုမ္ပဏီများအုပ်စုအကြား ဘယ်အချိန် ကစပြီး လုပ်ငန်းသဘောတူစာချုပ် ချုပ်ဆိုပြီး စာချုပ် သက်တမ်းက ဘယ်လောက်ပါလဲ။


ဖြေ- ကျွန်တော်တို့သစ်တောဦးစီးဌာနဲ့ ထူးကုမ္ပဏီများအုပ်စုအကြား ချုပ်ဆိုထားတဲ့ တိရစ္ဆာန်ဥယျာဉ် (ရန်ကုန်) လုပ်ငန်းသဘောတူစာချုပ်ကို ၂၀၁၁ ခုနှစ်၊ ဧပြီလ ၁ ရက်နေ့မှာ စတင်ချုပ်ဆိုပြီး စာချုပ်သက် တမ်းက ၂၀၂၁ ခုနှစ်၊ မတ်လ ၃၀ ရက်နေ့အထိ ၁၀ နှစ်သဘောတူစာချုပ်ဖြစ် ပါတယ်။ ၂ နှစ်တကြိမ် တဖြတ်တဖြတ် သက်တမ်းတိုးပါတယ်။ ဆိုလိုတာက ၂၀၁၁ ခုနှစ်၊ ဧပြီလကစတဲ့ စာချုပ်ကို ၂၀၁၃ ခုနှစ်၊ ဧပြီလမှာ တခါ သက်တမ်းတိုးပါတယ်။ ၂ နှစ် တကြိမ် သက်တမ်းတိုးသွားပြီး တခါသက်တမ်းတိုးရင် ယခင် ငှားရမ်းခထက် ၁၀ ရာခိုင်နှုန်းတိုးကောက်ပါတယ်။


မေး-လုပ်ငန်းသဘောတူစာချုပ်ပါ အချက်များကို သိပါရစေ။


ဖြေ- တိရစ္ဆာန်ဥယျာဉ်(ရန်ကုန်)ကို သစ်တောဦးစီးဌာနနဲ့ ထူးကုမ္ပဏီများအုပ်စုတို့အကြား ချုပ်ဆိုထားတဲ့ လုပ်ငန်းစာချုပ်အရ စတင်စာချုပ်တဲ့ ၂၀၁၁ ခုနှစ်၊ ဧပြီလ ၁ ရက်နေ့ကနေစပြီး သိန်း ၇၀၀ နဲ့ စတင်ငှားရမ်း ခဲ့တယ်။ ၂ နှစ်တကြိမ်သက်တမ်းတိုးပြီး ငှားရမ်းခ ၁၀ ရာခိုင်နှုန်းတိုးတဲ့အတွက် ၂၀၁၇ ခုနှစ် ဧပြီ ၁ ရက်နေ့ ကနေ ၂၀၁၉ မတ်လ ၃၁ ရက်နေ့အထိ လက်ရှိ ၈၄၇ သိန်းနဲ့ ငှားထားတယ်။ ရန်ကုန်တိရစ္ဆာန်ဥယျာဉ်ကို ထူးကုမ္ပဏီများအုပ်စုအား ငှားရမ်းခြင်းဟာ တိရစ္ဆာန်ဥယျာဉ်ရဲ့ တည်နေရာအလိုက် ကာလဒေသပေါက် ဈေးအပေါ်မူတည်ပြီး မြေငှားရမ်းတာမဟုတ်ဘဲ တိရစ္ဆာန်ဥယျာဉ်ရဲ့ လုပ်ငန်းစဉ်တွေ ကိုသာ ငှားရမ်းတာဖြစ် တယ်။ ထူးကုမ္ပဏီကိုလည်း တိရစ္ဆာန်ဥယျာဉ်ဖွံ့ဖြိုးတိုးတက်ရေးဆောင်ရွက်သည့် လုပ်ငန်းများမှအပ အခြား မည်သည့်စီးပွားရေးလုပ်ငန်း၊ မည်သည့်အဆောက်အဦကိုမှလုပ်ခွင့်၊ ဆောက်ခွင့်ပေးမှာ မဟုတ်ဘူး။ ပြုပြင် ထိန်းသိမ်းခြင်းမှအပ အခြားအသစ်တည်ဆောက်ခြင်းလုပ်ငန်းများကို သစ်တောဦးစီးဌာနကို တင်ပြရမယ်။ ခွင့်ပြုချက်ရမှ တည်ဆောက်ရမယ်။ သဘောတူစာချုပ်သက်တမ်း ကုန်ဆုံးပါက ပြုပြင်မွမ်းမံထားရှိမှုတွေ၊ သစ်တော ဦးစီးဌာနခွင့်ပြုချက်နဲ့ အသစ်တည်ဆောက်ထားတဲ့ အဆောက်အဦတွေ၊ တိရစ္ဆာန်ဥယျာဉ်နဲ့ ပတ်သက်ပြီး လက်ရှိအသုံးပြုနေတဲ့ ယာဉ်၊ ယန္တရားတွေ၊ စက်ကိရိယာပစ္စည်း၊ အဆောက်အဦနဲ့ ထူးကုမ္ပဏီများ အုပ်စုအစီအစဉ်ဖြင့် ၀ယ်ယူဖြည့်တင်းထားသော တိရစ္ဆာန်များအားလုံးကို သစ်တောဦးစီးဌာနကို အဖိုး စားနားမဲ့ လွှဲပြောင်းပေးရမှာဖြစ်ပါတယ်။ ရန်ကုန်တိရစ္ဆာန်ဥယျာဉ်က နှစ်ပေါင်း ၁၁၀ ကျော်သွားပြီး ဒီလိုသက်တမ်းရှိတဲ့ ဥယျာဉ်ကြီးကို ထူးကုမ္ပဏီကို အပြီးလွှဲတာမဟုတ်ဘူး။ တိရစ္ဆာန်ဥယျာဉ်ဖွံ့ဖြိုးတိုးတက်ဖို့အတွက် လုပ်ငန်းကိုသာ သတ်မှတ်နှစ်နဲ့ ငှားရမ်းတာဖြစ်တယ်။


မေး- တိရစ္ဆာန်ဥယျာဉ်(ရန်ကုန်)မှာ တိရစ္ဆာန်အမျိုးပေါင်း ဘယ်လောက်လောက် စောင့်ရှောက်မွေးမြူထားပါသလဲ။


ဖြေ- တိရစ္ဆာန်ဥယျာဉ်(ရန်ကုန်)မှာ တိရစ္ဆာန်အမျိုးအစားပေါင်း ၁၃၂ မျိုးရှိပါတယ်။ နို့တိုက် သတ္တ၀ါက ၆၀၈ ကောင်၊ တွားသွားသတ္တ၀ါက ၂၀၈ ကောင်နဲ့ ကျေးငှက်သတ္တ၀ါက ၅၇၉ ကောင်ရှိပြီး စုစုပေါင်း ၁,၃၉၅ ကောင်ကို မွေးမြုထားပါတယ်။


မေး- တိရစ္ဆာန်ဥယျာဉ်(ရန်ကုန်)မှာ တိရစ္ဆာန်တွေ ကျွေးမွေးစောင့်ရှောက်မှုအပိုင်းကို ပြောပြပါ။


ဖြေ- တိရစ္ဆာန်ဥယျာဉ် (ရန်ကုန်)မှာရှိတဲ့ တိရစ္ဆာန်များကို နိုင်ငံတကာစံချိန်စံနှုန်းနဲ့အညီ ရိက္ခာများကို တနေ့တာ လိုအပ်ချက်အရ တွက်ချက်ကျွေးမွေးလျက်ရှိပါတယ်။ လှောင်အိမ်ခြံမွေးစနစ်နဲ့ မွေးမြူရတာဖြစ်တဲ့အတွက် သဘာဝနဲ့ ကိုက်ညီတဲ့ အစာအာဟာရတွေ၊ လိုအပ်တဲ့ အားဖြည့်ဆေးဝါးတွေကို စစ်ဆေးကျွေးမွေး ကုသပေး ခြင်းများ ဆောင်ရွက်ပေးပါတယ်။ တိရစ္ဆာန်ဥယျာဉ်အများစုမှာ တိရစ္ဆာန်တွေ အ၀လွန်ခြင်းကြောင့် အသည်း အဆီဖုံးခြင်း၊ ခန္ဓာကိုယ်အ၀လွန်ခြင်း၊ ခန္ဓာကိုယ်အတွင်း အဆီများခြင်းတို့ကြောင့် သက်တမ်းစေ့မနေနိုင်ဘဲ ရောဂါဘယများ တတ်ပါတယ်။ ယခုတိရစ္ဆာန်ဥယျာဉ် (ရန်ကုန်)တွင် မွေးမြူပြသထားတဲ့ တိရစ္ဆာန်ကျေးငှက်များ ဟာ တောရိုင်းတိရစ္ဆာန်များဖြစ်တာကြောင့် သဘာဝနှင့် လိုက် လျောညီထွေသော ကျန်းမာကြံ့ခိုင်တဲ့ ခန္ဓာကိုယ် အနေအထားရှိပြီးသား ဖြစ်ပါတယ်။ တောရိုင်းတိရစ္ဆာန်တွေက တောထဲမှာဆိုရင် အစာစားဖို့အတွက် ပြေးလွှား လှုပ်ရှားနေကြတာ။ တိရစ္ဆာန်ဥယျာဉ်ထဲမှာကျတော့ အချိန်မှန်ကျွေး၊ အချိန်မှန်အိပ်ဆိုတော့ အစာကို တနေ့တာ လိုအပ်တဲ့ အာဟာရလောက်ပဲ နိုင်ငံတကာ စံနှုန်းတွေနဲ့ တိရစ္ဆာန်အမျိုးအစားအလိုက် ကျွေးတာပါ။ တိရစ္ဆာန် တွေကို ၀စေချင်လို့ နင်းကန်ကျွေးလို့ မရဘူး။ ခုရန်ကုန် Zoo ထဲမှာဆိုရင် တချို့ဝက်ဝံတွေဆိုရင် နည်းနည်း အ၀လွန်နေတယ်။ သူတို့ကို အစာကို နည်းနည်းထိန်းပြီးတော့ ကျွေးခိုင်းနေရတယ်။ ကျား၊ ခြင်္သေ့၊ ကျားသစ် စတဲ့ အသားစား သတ္တ၀ါတွေလည်း နည်းနည်းလေးဝတဲ့အတွက် အစာကိုလျှော့ကျွေးခိုင်းနေရတယ်။ ပိန်တယ်ပြုတယ်ဆိုတာတော့ မဟုတ်ဘူး။ တိရစ္ဆာန်ပဲဖြစ်ဖြစ်၊ လူပဲဖြစ်ဖြစ် အ၀လွန်ရင် သက်တမ်းတိုတာပဲ။ ဒါကြောင့် တိရစ္ဆာန်တွေကို အ၀မလွန်အောင် အစာထိန်းကျွေးနေရတယ်။


မေး- တိရစ္ဆာန်ဥယျာဉ် (ရန်ကုန်)သာယာလှပရေးအတွက် ဘယ်လိုလုပ်ငန်းစဉ်တွေများ လုပ်ဆောင်နေပါသလဲ။


ဖြေ- ရန်ကုန်တိရစ္ဆာန်ဥယျာဉ် သာယာလှပရေးအတွက် မြေယာအလှပြုပြင်ခြင်းလုပ်ငန်း၊ ရှုခင်းအလှဆင်ခြင်း လုပ်ငန်း၊ နံရံဆေးပန်းချီများ ရေးဆွဲခြင်းလုပ်ငန်း၊ 3D (Board Art နဲ့ Street Art) များ ရေးဆွဲခြင်းလုပ်ငန်းစတဲ့ လုပ်ငန်းတွေကို ဆောင်ရွက်လျက်ရှိပြီး အဓိကအားဖြင့် (Clean and Green)  သန့်ရှင်းပြီး စိမ်းလန်းစိုပြည်စေရေး ဆောင်ရွက်လျက်ရှိပြီး ၂၀၁၈ ခုနှစ်အတွင်း Plastic Free Zone  (ပလတ် စတစ်ကင်းမဲ့ဇုန်)ဖြစ်ရေးအတွက် ကျွန်တော်တို့ အလေးပေးဆောင်ရွက်နေပါတယ်။ ထူးကုမ္ပဏီများအုပ်စုလည်း ရန်ကုန်တိရစ္ဆာန်ဥယျာဉ် သာယာလှပရေးအတွက် ဆောင်ရွက်နေတာ အားရစရာတွေ့ရပါတယ်။


မေး- နောက်ဆုံးအနေနဲ့ တိရစ္ဆာန်ဥယျာဉ် (ရန်ကုန်)မှာ ဘယ်လိုတိရစ္ဆာန် အမျိုးအစားတွေ ဆက်လက်ထားရှိဖို့ ရှိပါသလဲ ခင်ဗျာ။


ဖြေ- တိရစ္ဆာန်ဥယျာဉ်(ရန်ကုန်)အတွင်းမှာ ယခုလက်ရှိ နို့တိုက်သတ္တ၀ါ၊ တွားသွားသတ္တ၀ါ၊ ကျေးငှက် သတ္တ၀ါတွေနဲ့ သွေးအေးသတ္တ၀ါများကို ပြသထားရှိပြီးဖြစ်ပါတယ်။ Endemic Species နဲ့ Native Corner အဖြစ် ပြသနိုင်ရေးဆောင်ရွက်လျက်ရှိပါတယ်။ တိရစ္ဆာန်အသစ်တွေတော့ သွင်းဖို့ရှိပါတယ်။ မရသေးဘူး။ ဒါပေမဲ့ ပြည်ပကနေမှာထားတာတွေရှိပါတယ်။ နေပြည်တော် တိရစ္ဆာန်ဥယျာဉ်၊ ရန်ကုန် တိရစ္ဆာန်ဥယျာဉ်နဲ့ မန္တလေး ရတနာပုံဥယျာဉ်တွေကို မျှပြီးပို့မှာပါ။ ဒါအပြင် ပြည်တွင်းမှာရှိတဲ့ တိရစ္ဆာန်ဥယျာဉ်အချင်းချင်းမှလည်း ဒီဘက်က ကောင်ကို ဟိုဘက်ရွှေ့၊ ဟိုဘက်ကကောင်ကို ဒီဘက်ရွှေ့ အဲဒီလိုလုပ်ပြီးတော့ မျိုးပွားဖို့အတွက် ကြိုးစားနေပါ တယ်။ ခုလောလောဆယ်တော့ အကောင်အထည်မဖော်ရသေးတဲ့အတွက် ကြိုးစားနေဆဲအဆင့်ဖြစ်တဲ့ အတွက် အတိအကျတော့ ပြောလို့မရသေးပါဘူး။


ကျေးဇူးတင်ပါတယ်ဆရာ။


သားချမ်းမြတ်