ပညာသင်တယ်ဆိုတာ Apply လုပ်ဖို့သင်တာ၊ အင်္ဂလိပ်စာဘာသာရပ်ကို လက်တွေ့အသုံးချလို့ရအောင် ပညာရေးဝန်ကြီးဌာနက တာဝန်ယူသင်ကြားပေးရပါမယ်


အမျိုးသားလွှတ်တော်ကိုယ်စားလှယ် ဒေါ်ထုမေနှင့် တွေ့ဆုံခြင်း


မြန်မာနိုင်ငံတွင် သူငယ်တန်းမှ တက္ကသိုလ်ဝင်တန်း(အထက်တန်း)အထိ အင်္ဂလိပ်စာဘာသာကို မသင်မနေရအဖြစ် ပြဋ္ဌာန်းသင်ကြားပေးသော်လည်း အထက်တန်းအဆင့်အောင်မြင်ပြီးဆုံးချိန်တွင် ကျောင်းသူကျောင်းသားများ၏ အင်္ဂလိပ်ဘာသာ၊ အရေးအသား၊ အပြောအဆိုစွမ်းရည်မှာ နိမ့်ကျလျက်ရှိနေဆဲပင်ဖြစ်ကြောင်း၊ ထို့ကြောင့် အထက်တန်းအောင်မြင်ပြီးဆုံးချိန်တွင် အင်္ဂလိပ်ဘာသာကို အထိုက်အလျောက် ရေးသားပြောဆိုနိုင်စေရန်ရည်ရွယ်၍ အဌမတန်းမှစတင်ပြီး အင်္ဂလိပ်စာဘာသာရပ်အား 4 Skills (Reading,Writing,Speaking,Listening)  ပါဝင်သောစနစ်သို့ ပြုပြင်ပြောင်းလဲသင်ကြားရန် ပြည်ထောင်စု အစိုးရသို့ တိုက်တွန်းကြောင်းအဆိုကို ဒုတိယအကြိမ်အမျိုးသားလွှတ်တော်သတ္တမပုံမှန် အစည်းအဝေးတွင် ရခိုင်ပြည်နယ် မဲဆန္ဒနယ်အမှတ်(၁၁)မှ အမျိုးသားလွှတ်တော်ကိုယ်စားလှယ် ဒေါ်ထုမေက တင်သွင်းခဲ့သည်။ ၎င်း၏အဆိုကို ဇန်န၀ါရီ ၂၂ ရက်က ကျင်းပသော ဒုတိယအကြိမ်အမျိုးသားလွှတ်တော် သတ္တမပုံမှန် အစည်းအဝေးတွင် မဲခွဲဆုံးဖြတ်ခဲ့ရာ ကန့်ကွက်သည့် ကိုယ်စားလှယ် (၁၀၂)ဦး၊ ထောက်ခံသူ (၉၆)ဦးဖြင့် အဆိုရှုံးနိမ့်ခဲ့ပါသည်။ အင်္ဂလိပ်စာဘာသာရပ်အား 4 Skills သင်ကြားရေးအဆို အမျိုးသားလွှတ်တော်သို့ တင်သွင်းခဲ့သူ ဒေါ်ထုမေအား News Watch မှ ဆက်သွယ်မေးမြန်းထားပါသည်။


x အစ်မအနေနဲ့ ပြီးခဲ့တဲ့အမျိုးသားလွှတ်တော်မှာ အဌမတန်းကစပြီး English ဘာသာရပ် ကို 4 Skills ပါဝင်သောစနစ်ကို ပြောင်းလဲဖို့အဆို ကို တင်သွင်းခဲ့ရတဲ့ရည်ရွယ်ချက်ကို သိပါရစေ။


ရည်ရွယ်ချက်ကတော့ ဒီမြန်မာ့အမျိုးဆက်သစ် လူငယ်တွေ အာဆီယံဒေသအပါအ၀င် ကမ္ဘာကြီးကို ရင်ပေါင်တန်းနိုင်ဖို့အတွက် လက်တွေ့အသုံးချလို့ရမယ့် နည်းစနစ်နဲ့ ပညာရေးဝန်ကြီးဌာနအနေနဲ့ သင်ကြားပေး ဖို့ မဖြစ်မနေလိုအပ်နေတဲ့ခေတ်ကိုရောက်ပြီလို့ ကျွန်မယုံကြည်ပါတယ်။အထူးသဖြင့်ကတော့ မြန်မာတနိုင်ငံ လုံးက လူငယ်တွေကို လူ့ဘ၀ရပ်တည်ဖို့ ကြိုးပမ်းကြတဲ့အခါမှာ ကမ္ဘာသုံးဖြစ်တဲ့ အင်္ဂလိပ်ဘာသာစကားကို လိုသလိုလက်နက်အဖြစ် သုံးလို့ရအောင် တပ်ပေးချင်တဲ့ဆန္ဒလည်းပါပါတယ်။ အဓိကကတော့ မြန်မာလူငယ် တွေကမ္ဘာကြီးနဲ့ ရင်ပေါင်တန်းဖို့ အကျယ်ပြန့်ဆုံး ရည်ရွယ်ချက်လေးချက်နှင့်ဒီအဆိုကို တင်ခဲ့တာဖြစ်ပါတယ်။


x လက်ရှိပညာရေးစနစ်၊ သင်ကြားရေးစနစ်အပေါ် ဘယ်လိုသုံးသပ်ချင်ပါသလဲ။


အင်္ဂလိပ်စာကို ၁၁ နှစ်သင်လာခဲ့ကြတယ်။ ဒီ ၁၁ နှစ်သင်လာခဲ့ကြတဲ့ အင်္ဂလိပ်စာဘာသာရပ်ကို ရေးတတ်၊ ဖတ်တတ်ရုံလောက်ပဲ၊ သူများပြောတာကိုနားလည်ဖို့ အင်္ဂလိပ်လိုပြောတာကို နားလည်ဖို့၊ အင်္ဂလိပ်လိုပြန် ပြောတတ်ဖို့က အရမ်းလိုနေခဲ့တာ။  ဘာသာရပ်တိုင်းမှာ အင်္ဂလိပ်လိုသင်ပေမဲ့ အလွတ်ကျက်တယ်၊ ဖတ်တယ်။ စာဖြေရင်လည်း အလွတ်ကျက်ပြီးတော့ပဲ ဖြေခဲ့ရတာ။ ဒါပေမဲ့ အဲဒီကျောင်း သားအမှန်တကယ် တတ်သလား ဆိုတော့ ပွင့်ပွင့်လင်းလင်းပြောလို့ရှိရင် ကျွန်မကို ကျွန်မ ဥပမာပြရလို့ရှိရင်တော့ မတတ်ခဲ့ဘူးပေါ့။ ကျွန်မဆယ်တန်းအောင် တယ်၊ ဘွဲ့ရတဲ့အထိ အင်္ဂလိပ်စာကို သူများပြောတာကို လုံးဝနားမလည်ခဲ့ပါဘူး။ ကိုယ်ကိုယ်တိုင်လည်း လုံးဝမပြောတတ်ခဲ့ပါဘူး။ ဒါဘွဲ့ရတဲ့ မြန်မာနိုင်ငံမှာ အဝေးသင်နဲ့ဘွဲ့ရတဲ့ ကျောင်းသူ ကျောင်းသားပေါင်း အရေအတွက်ဘယ်လောက်ရှိမလဲ။ ကျွန်မတို့ခေတ်တုန်းက ဘွဲ့ရတောင်မှ နိုင်ငံခြား သားပြောတာ၊ အင်္ဂလိပ်လိုပြောတာကို နားမလည်ခဲ့ဘူး။ ကိုယ်တိုင်လည်း မပြောတတ်ခဲ့ဘူး။ အဲဒီအခါမှာ ဒီအဆင့်မြင့်ပညာဘာသာရပ်တွေကို ဆက်လက်သင်ကြားဖို့၊ လုပ်ငန်းခွင်ကိုဝင်ဖို့ဖြစ်စေ အခြေခံရှစ်တန်း လောက်ကစပြီး ဆယ်တန်းလောက်ဆိုလို့ရှိရင် အင်္ဂလိပ်စာ အရေး၊ အဖတ်၊ အပြောနားလည်နိုင်စွမ်းရှိဖို့ လိုပါ တယ်။ လက်ရှိပညာရေးစနစ်က ဒီအတိုင်းပဲသွားနေတယ်။ ပြောင်းလဲမှုတော့ မတွေ့ပါဘူး။ ပြောင်းလဲနေ တယ်လို့ ပညာရေးဝန်ကြီးဌာနအပါအ၀င် အမျိုးသားစီမံကိန်းမဟာဗျူဟာမှာ ဘယ်လောက်ထိ ကောင်း မွန်အောင်ရေးသားထားပါစေ လက်တွေ့အသုံးမချလို့ကတော့ ဖြစ်လာမှာမဟုတ်ဘူး။ အခုက ဒီမိုကရေစီ အစိုးရလက်ထက်ကိုရောက်နေပြီ။ ပညာသင်တယ်ဆိုတာ Apply လုပ်ဖို့သင်တာပဲ။ ဆိုတော့ ကျွန်မတို့က လက်တွေ့အသုံးချရမယ့် ဒီအင်္ဂလိပ်စာဘာသာရပ်ကို လက်တွေ့အသုံးချလို့ရအောင် ပညာရေးဝန်ကြီးဌာနက တာဝန်ယူသင်ကြားပေးရပါမယ်။ ပညာရေးဝန်ကြီးဌာနက အကောင်အထည်ဖော်နေပါတယ်လို့ ဘယ်လောက် ပြောပြော၊ မဟာဗျူဟာစီမံကိန်းဟာ ဘယ်လောက်ပဲပြည့်စုံနေပါပြီလို့ ပြောပါစေ။ ဘယ် ဥပဒေမှ ဘယ်နိုင်ငံမှာမှ ပြည့်စုံတယ်ဆို မရှိပါဘူး။  ကျွန်မအနေနဲ့ကတော့ လက်ရှိပညာရေးစနစ်ကို အားမရဘူးပေါ့။ အဲဒီအထဲကမှ ဒီလူငယ်အတွက်ကို  ပိုပြီးစိုးရိမ်တယ်။


x ဒီနေ့ခေတ်လူငယ်တွေရဲ့ English စွမ်းရည်အပေါ် ဘယ်လိုသုံးသပ်ချင်ပါသလဲ။


တနိုင်ငံလုံးခြုံငုံပြောရမယ်ဆိုလို့ရှိရင်တော့ ဒီနေ့ခေတ်ရယ်မှ မဟုတ်ဘူး။ ခေတ်က တော်တော်ကြာခဲ့ပြီ။ ကျွန်မတို့မျိုးဆက်တဆက်မက ကြာခဲ့ပြီ။ အင်္ဂလိပ်စာစွမ်းရည်က တော်တော်ကိုဆိုးခဲ့တာ။ အတော့်ကို နိမ့်ကျသွားပြီပေါ့နော်။ တော်ရုံတန်ရုံ မြန်မာလိုဘာသာပြန်ထားတဲ့ စာအုပ်တွေမှာပါ အမှား တွေအများကြီး တွေ့နေရတယ်။ နောက်လွှတ်တော်ကိုယ်စားလှယ်တွေလည်း ဆွေးနွေးသွားတဲ့အထဲမှာ ပါပါတယ်။ အခုမြန်မာနိုင်ငံက ထွက်နေတဲ့ English လိုထုတ်တဲ့ သတင်းစာမှာပါ အမှားတွေအများကြီးပဲပေါ့။ အင်္ဂလိပ်စာစွမ်းရည်နဲ့ ပတ်သက်လို့ တနိုင်ငံလုံး အတိုင်းအတာအားဖြင့် ကြည့်ရမယ်ဆိုလို့ရှိရင် တော်တော့်ကို ကျသွားတယ်။ ကျသွားတဲ့အင်္ဂလိပ်စာစွမ်းရည်အပေါ်မှာ လူငယ်တွေဆိုရင်တော့ နှစ်မျိုးနှစ်စား ပြန်ကွဲသွား တယ်ပေါ့။ ဘယ်လိုကွဲသွားလဲဆိုရင် အင်္ဂလိပ်စာတတ်မှ လူရာဝင်တယ်ပေါ့နော်။ ဒီ Global Age မှာပေါ့နော်။ ပညာခေတ်မှာ ဘွဲ့တခုရရုံနဲ့ အဆင်မပြေတော့ပါဘူး။ အင်္ဂလိပ်စာတတ်ရမယ်၊ တခုခုမှာ အလုပ်လုပ်မယ် ဆိုလို့ရှိရင် Computer Skill, English Skill က မဖြစ်မနေ လူငယ်တိုင်းမှာ လိုအပ်မယ့် အရာတခုဖြစ်လာတယ်။ ဒီခေတ်လူငယ်တွေမှာလည်း ကျွန်မတို့နဲ့တော့ သိပ်မကွာသေးဘူး။ အင်္ဂလိပ်စာအပေါ်မှာ သုံးသပ်ချက်ကတော့ ခုနကလိုမျိုး တချို့လူငယ်တွေက အင်္ဂလိပ်စာမဖြစ်မနေ တတ်ရမယ်၊ မတတ်လို့ရှိရင် လူရာမ၀င်တော့ဘူးဆိုတဲ့ လူငယ်တွေ ကျွန်မတို့ခေတ်တုန်းကလည်း အဲလိုရှိခဲ့တယ်။ အခုဆိုလို့ရှိရင်တော့ လူငယ်တွေမှာ ရန်ကုန်လို၊ မန္တလေးလို မြို့ကြီးတွေမှာ အင်္ဂလိပ်စာနိုင်ငံခြားသားသင်တဲ့ ကျောင်းရှိတယ်။ မြန်မာနိုင်ငံက ဖွင့်ထားတဲ့ သင်တန်းကျောင်းတွေ အများကြီးရှိတယ်။ အဲလိုနေရာတွေကနေပြီးတော့ လူငယ်တွေအနေနဲ့ အင်္ဂလိပ် စာတကယ်တတ်ဖို့ လိုအပ်တယ်လို့ ယူဆတဲ့လူငယ်တွေကနေပြီးတော့ သွားတက်ကြတယ်။ ဒါပေမဲ့ အရမ်း အလှမ်းကွာတဲ့ အင်္ဂလိပ်စာသင်တန်းမရှိတဲ့ နေရာတွေမှာဆိုလို့ရှိရင် ဒီအခွင့်အရေးက ပညာရေးရဖို့ အခွင့်အလမ်းက ကျွန်မတို့မရှိသလို ဒီအခွင့် အရေးတွေဆုံးရှုံးနေတဲ့ လူငယ်တွေဖြစ်တယ်။ လူငယ်တွေရဲ့ စွမ်းရည်ကိုအစိုးရက ဖြည့်စွက်ပေးရမယ်။ တဦးတယောက်ချင်းမှာတော့ ကိုယ့်ခံယူချက်နဲ့ကိုယ် အင်္ဂလိပ်စာ သင်တန်းကိုအပြင်မှာတက်နိုင်မှ ရန်ကုန်လို သို့မဟုတ် မန္တလေးလို မြို့ကြီးတွေကိုသွားပြီး တော့မှတက်နိုင်တဲ့ မိဘတွေက သင်ပေးလို့မှရကြတဲ့ အင်္ဂလိပ်စာစွမ်းရည်ဖြစ်နေပါတယ်။ ဒီလိုမျိုးတွေကို ဖြည့်စွက်ဖို့အတွက် ပညာရေးဝန်ကြီးဌာနမှာ အပြည့်အ၀တာဝန်ရှိပါတယ်။ ယနေ့ခေတ် လူငယ်တွေရဲ့ အင်္ဂလိပ်စာစွမ်းရည် အပေါ်မှာ သုံးသပ်ချက်ကတော့  တယောက်ချင်းစီရဲ့ ခံယူချက်အပေါ်မှာပဲ မိဘကပံ့ပိုး နိုင်စွမ်းအပေါ်မှာ မြို့ကြီးတွေမှာ အင်္ဂလိပ်စာသင်တန်းလာတက်ကြတဲ့ လူငယ်တွေက အခွင့်သာနေပြီးတော့ ကျွန်မတို့လို ရွာမှာနေခဲ့တဲ့ လူငယ်တွေလို လမ်းပန်းဆက်သွယ်ရေးခက်ခဲတဲ့ နေရာတွေက လူငယ်တွေဆိုလို့ရှိရင်တော့ ဒီအင်္ဂလိပ်စာစွမ်းရည်တိုးမြှင့်ဖို့ရရှိနိုင်မှုစွမ်းအား လူငယ်တွေမှာ မရှိသေးပါဘူး။ ဒီအခွင့်အရေးကို တနိုင်ငံလုံးမှာ ရောက်နေကြတဲ့လူငယ်တွေ အထူးသဖြင့် ရန်ကုန်လို၊ မန္တလေးလိုမြို့ကြီးမှအပ ကျန်တိုင်းနှင့်ပြည်နယ်တွေမှာ ဒီအခွင့်အရေးတွေ ဆုံးရှုံးနေတယ်။ ဒါကြောင့်မို့လို့ ဒီကွက်လပ်ကိုဖြည့်ဖို့ ပညာရေးဝန်ကြီးဌာနမှာ တာဝန်ရှိပါတယ်ရှင်။


x လူငယ်တွေရဲ့ အင်္ဂလိပ်စာစွမ်းရည် မြင့်မားလာအောင် ဘယ်လိုလုပ်သင့်တယ်လို့ အကြံပြုချင်ပါသလဲ။


အင်္ဂလိပ်စာစွမ်းရည်မြင့်မားလာအောင် လူငယ်တယောက်ချင်းစီကို အကြံပေးရမယ်ဆိုရင်ပေါ့ လူငယ်တိုင်းမှာ ဖုန်းရှိနေကြပြီ။ ဒီပြင်အချိန်တွေကို facebook တွေသုံးကြတယ်။ Social media ကို သုံးတာကလည်း ထိုက်သင့် သလောက် အကျိုးရှိပါ တယ်။ လူမှုကွန်ရက်ဆိုတာကလည်း ကင်းကွာလို့ မရပါဘူး။ ဒါကလည်း အင်္ဂလိပ်စာ စွမ်းရည်မြင့်မားအောင် လူငယ်တွေအချိန်ပေးပြီး လေ့လာလို့ရပါတယ်။ နောက်တခုက လူငယ်တွေစုပြီးတော့ စကားဝိုင်းလုပ်ရမယ်။ ကျောင်းတိုင်းမှာရှိတဲ့ ဆရာ၊ ဆရာမ တွေအနေနဲ့လည်း Program တခုခုနဲ့ပေါ့နော်။ စွမ်းရည်မြင့်ဖို့ လုပ်ပေးသင့်တယ်လို့ ကျောင်းတိုင်းကို အကြံပြုချင်တယ်။ နောက်တခုက အခုဆိုလို့ရှိရင် Community Center တွေဖွင့်နေကြပြီ။ အဲဒီ Center တွေမှာလည်း အကြံအဥာဏ်တောင်းပြီးတော့ English 4 Skill ကျွမ်းကျင်တဲ့သူတွေ သို့မဟုတ် အငြိမ်းစားဆရာ၊ ဆရာမတွေက ဒီ English 4 Skill မြင့်မားလာအောင် လူငယ်တွေကို ဖိတ်ခေါ်ပြီးတော့ စကားဝိုင်းဆွေးနွေးပွဲတွေ လုပ်သင့်တယ်လို့ ထင်ပါ တယ်။ အခုတယောက် တည်းအနေနဲ့တော့ ကျွန်မ  Htoot May Institution Foundation တခုလုပ်နေပါတယ်။ တနိုင်တပိုင်ပေါ့နော်။ ကိုယ့်လူငယ်လေးတွေကို တတ်နိုင်သလောက် အင်္ဂလိပ်စာ 4 Skill မြင့်မားလာအောင် လုပ်ပေးနေပါတယ်။


x မိခင်ဘာသာစကားနဲ့ နိုင်ငံတကာဆက် သွယ်ပြောဆိုနိုင်တဲ့ English ဘာသာစကားတွေ ဟာ လူတယောက်အတွက် ဘယ်လိုအခန်းကဏ္ဍတွေမှာရှိနေသလဲ။ အစ်မအနေနဲ့ရော ဘယ်လိုမျိုး အဓိပ္ပာယ်ဖွင့်ချင်ပါသလဲ။


မိခင်ဘာသာစကားဆိုတာ လူတယောက်အတွက် ပထမမျက်လုံး။ နိုင်ငံတကာဆက်သွယ်ပြောဆိုနိုင်တဲ့ English ဘာသာစကားတွေဟာ လူတယောက်အတွက်က ဒုတိယမျက်လုံးပါ။ မြန်မာတနိုင်ငံလုံးက လူတွေက လည်း ဒီအတိုင်းပဲ ပြောကြပါတယ်။  နိုင်ငံတကာနဲ့ ဆက်သွယ်ဖို့ IT နည်းပညာတိုးတက် နေတဲ့ခေတ်ကြီးမှာ ယနေ့ခေတ် ဘာသာစကားအနေနဲ့ အားလုံးနဲ့ ဆက်သွယ်နိုင်တဲ့ English ဘာသာစကားကို 4 Skill မဖြစ်မနေတတ်သင့်တဲ့ အခြေအနေကိုရောက်နေပါပြီ။ အခု ကျွန်မအဆိုတင်ခဲ့တဲ့ Standard အထက်က မြန်မာနိုင်ငံမှာ မဖြစ်မနေ အင်္ဂလိပ်စာတတ်သင့်နေပြီ။ နိုင်ငံတကာနဲ့ ဆက်သွယ်တော့မယ်။ သွားတော့မယ် ဆိုလို့ရှိရင် ဒါကအရမ်းအရေး ကြီးပါတယ်။ ပထမမျက်လုံးက မိခင်ဘာသာစကား ဖြစ်ပြီးတော့ ဒုတိယမျက်လုံး က ကမ္ဘာနဲ့ရင်ပေါင်တန်းနိုင်တဲ့ English ဘာသာစကားဖြစ်တယ်။ ကမ္ဘာနဲ့ ရင်ပေါင်တန်းနိုင်တဲ့ ဒုတိယမျက်လုံး ကို မဖွင့်ပေးနိုင်ခဲ့တဲ့အတွက်တော့ စိတ်မကောင်းဖြစ်ရပါတယ်။


x အစ်မအနေနဲ့ ဘာများဖြည့်စွက်ပြောကြား ချင်ပါသလဲ။


ဖြည့်စွက်ပြောကြားချင်တာက ဘာလဲဆိုတော့ ကျွန်မအဆိုနဲ့ပတ်သက်ပြီးတော့ အရမ်းနှမြောမိတယ်။ နောက်တခုက လူငယ်တွေကိုလည်း စိတ်ဓာတ်မကျဖို့ ပြောချင်တယ်။ လူငယ်နှင့် ပညာရေးကို အားသန်တဲ့ လူငယ်နှင့်ပညာရေးကို မဖြစ်မနေ ကြိုးစားဆောင်ရွက်မယ်လို့ အားသန်တဲ့လွှတ်တော်ကိုယ်စားလှယ် တယောက်အနေနဲ့ရော အတော့ကိုစိတ်မကောင်းဖြစ်ခဲ့တယ်။ လူငယ်တွေအတွက် ပိုပြီးတော့လုပ်ဆောင်ဖို့ လည်း အားသန်ခဲ့တယ်ပေါ့။ ပညာရေးဝန်ကြီးဌာနအနေနဲ့တော့ အခုလောလောဆယ် 4 Skill သင်ကြားဖို့ အစီအစဉ်မရှိသေးဘူးဆိုပေမဲ့ လူငယ်တွေအနေနဲ့ ကြိုးစားကြပါလို့ ပြောချင်ပါတယ်။


အိမ့်သန္တာထွန်း