ကိုယ်လည်း ခံစားခဲ့ရတော့ ထိုက်တန်တဲ့ပြစ်မှုမျိုးပေးစေချင်တယ်။ ဒါပေမဲ့လည်း ဘယ်လိုပြောရမလဲဆိုရင် ရွှေရည်နေရာမှာ ပြန်အစားထိုးရမယ်ဆိုရင်တော့ ပြန်လိုချင်ပါတယ် ...

ဦးကျော်စိုး(သေဆုံးသူ မရွှေရည်ဝင်း၏ဖခင်)


 


အစားအသောက်နှင့် ဆေးဝါးကွပ်ကဲ ရေးဦးစီးဌာန(FDA) မှ ဒုတိယကြီးကြပ်ရေးမှူး မရွှေရည်ဝင်း (ခ) ရွှေရည်သည် ဇန်န၀ါရီ ၂၀ ရက်နေ့ ညပိုင်းက အဓမ္မကျင့် သတ်ဖြတ်ခံခဲ့ရပြီး သူမ၏အလောင်းကို ဒဂုံမြို့သစ်မြောက်ပိုင်း မြို့နယ် ၃၃ တိုးချဲ့ရပ်ကွက် ငါးမာန်အောင်ဘုရားလမ်း၊ ငမိုးရိပ်ချောင်းဘေး၊ ဖူဆယ် မိုးလုံလေလုံ အားကစားကွင်းအနီး ချောင်းရေကျော်တံတားအစပ်တွင် ရှာဖွေတွေ့ရှိခဲ့သည်။ ပြစ်မှု ကျူးလွန်သူတရားခံကို ဇန်န၀ါရီ ၂၄ ရက် ညနေပိုင်းက ဖမ်းဆီးရမိခဲ့သည်။


တရားခံသည် ဒဂုံမြို့သစ်မြောက်ပိုင်း ၃၃ ရပ်ကွက် ပတ္တမြားလမ်းနေ မျိုးဇော်ဦး ၂၇ နှစ် ဖြစ်ပြီး အမှုမှ သက်သေခံပစ္စည်းဖြစ်သည့်  ဆမ်ဆောင်းလက်ကိုင်ဖုန်းနှင့်အတူ မင်္ဂလာဈေးအတွင်း မင်္ဂလာတောင်ညွန့်မြို့မရဲစခန်းမှ နယ်ထိန်းအရာရှိ ရဲအုပ်သန်းဝင်းအဖွဲ့က ဖမ်းဆီးမိခဲ့သည်။


ထိုကဲ့သို့ ဖမ်းဆီးရမိခဲ့ခြင်းအပေါ် သေဆုံးသူ ကာယကံရှင်မိသားစုဝင် ဖခင်ဦးကျော်စိုးနှင့် News Watch ဂျာနယ်မှ တွေ့ဆုံမေးမြန်းခဲ့မှုများကို ဖော်ပြအပ်ပါသည်။


မနေ့က ညနေပိုင်းမှာ ရန်ကုန်တိုင်းရဲတပ်ဖွဲ့က ထုတ်ပြန်ချက်အရ သေဆုံးသူကို သတ်သွားတဲ့ တရားခံဟာ တဦးတည်းဖြစ်နေတာကို ဦးတို့လည်း သိပြီးသားဖြစ်မှာပါ။ ဒီဖြစ်စဉ်မှာ ပြစ်မှုကျူးလွန်သူဟာ တဦးထက်ပိုနိုင်တယ်လို့ ကနဦး ယူဆချက်တွေရှိနေတဲ့အတွက် သံသယဖြစ်မိတာမျိုးရှိလား။


- ဒါကတော့ ဦးတို့အစကထင်ထားတာကတော့ သမီးမှာရခဲ့တဲ့ ဒဏ်ရာဒဏ်ချက်တွေကိုကြည့်ရင် တဦးတည်းကျူးလွန်တာမဖြစ်နိုင်ဘူး။ သူတို့ပြောသလို တဦးတယောက်တည်းက လုပ်တာမဖြစ်နိုင်ဘူး။ အနည်းဆုံး နှစ်ယောက်လောက်ဖြစ်မယ်လို့ထင်တယ်။ ဒဏ်ရာဒဏ်ချက်ကလည်း ပြင်းတယ်လေ။ ဒါပေမဲ့ တကယ့်တကယ် ပြန်ပြီးတွေးမိခဲ့တယ်။ ဖမ်းမိတဲ့ဖြစ်စဉ်အပေါ်မှာလည်း တရားခံရဲ့ထွက်ဆိုချက်ကိုကြည့်ရင် ကိုယ့်ဘာသာကိုယ်ပဲ တဆင့်ချင်း တဆင့်ချင်းပြန်စဉ်းစားလိုက်တဲ့အခါကျတော့ ဒီဖြစ်စဉ်မှာ တယောက် တည်းက ကျူးလွန်တာဖြစ်နိုင်တယ်လို့ပဲ သုံးသပ်မိပါတယ်။ တယောက်တည်း ကျူးလွန်တာ ဖြစ်နိုင်ခြေ များတယ်လို့ပဲယူဆပါတယ်။


နောက်တခုက တရားခံကိုဖမ်းဆီးခဲ့ရာမှာ ပါဝင်တဲ့ သက်သေခံပစ္စည်းသည် သေဆုံးသူရဲ့ပစ္စည်း အစစ်အမှန်တွေလား။ ဖုန်းကရော တူတူပဲလားခင်ဗျ။


တရားခံကိုဖမ်းဆီးရာမှာ ပါဝင်ခဲ့တဲ့ပစ္စည်းတွေအားလုံးဟာ သမီးရွှေရည်ဝင်းရဲ့ ပစ္စည်းအမှန်တွေပါပဲ။ ဖုန်းလည်း မှန်ပါတယ်။


ဒါဆိုရင် အခုလူသတ်မှုမှာ ဒီတရားခံကို ဥပဒေကြောင်းအရ ဆက်လက်ဆောင်ရွက်မှုအပေါ်မှာရော ဘယ်လိုစောင့်ကြည့်သွားဖို့ရှိလဲခင်ဗျ။


ဥပဒေကြောင်းအရတော့ တကယ်တမ်းပြောရရင် ကိုယ်လည်းခံစားခဲ့ရတော့ ထိုက်တန်တဲ့ပြစ်မှုမျိုး ပေးစေချင်တယ်။ ဒါပေမဲ့လည်း ဘယ်လိုပြောရမလဲဆိုရင် ရွှေရည်နေရာမှာ ပြန်အစားထိုးရမယ်ဆိုရင် တောင်ပြန်လိုချင်ပါတယ်။ သူ့ပြစ်ဒဏ်အတိုင်း ဒါဟာ လူသတ်မှု၊ မုဒိမ်းမှု၊ ဒီလိုပုဒ်မတွေနဲ့တိုက်တန်တဲ့ ပြစ်ဒဏ်တွေ ပေးစေချင်တယ်။ တော်ရုံသင့်ရုံပြစ်ဒဏ်ပေးလို့ မရတော့ဘူး။ တရားဥပဒေစိုးမိုးမှု အားနည်းတယ်။ ကိုယ့်သမီးကြောင့်ဖြစ်သွားပေမဲ့ တခြားမိသားစုတွေလည်း အရွယ်ရောက်ပြီးတဲ့သမီးတွေရှိရင် စိုးရိမ် သောကရောက်နေမှာပဲ။ တရားဥပဒေစိုးမိုးရေးကို ပိုကောင်းအောင်လုပ်ဖို့တော့ လိုပါတယ်။ ရက်မလည် သေးပဲနဲ့ တရားခံပေါ်တာ တော်ပါသေးတယ်လို့ပြောရမှာပါပဲ။


မှုခင်းဖြစ်စဉ်တလျှောက်မှာ သက်ဆိုင်ရာ ရဲတပ်ဖွဲ့ကရော သေဆုံးသူမိသားစုဝင်တွေနဲ့ ဆက် သွယ်ဆောင်ရွက်ခဲ့တာမျိုးရှိလား။


ဖုန်းတွေနဲ့တော့ အဆက်အသွယ်လုပ်ပါတယ်။ တချိန်လုံးမေးပါတယ်။ ကိုယ်ရေးအကျဉ်းတွေ မေး၊ သွားတာလာတာတွေ အချိန်တွေမေးတယ်။ သက်သေခံပစ္စည်းမှာ ဖုန်းပျောက်သွားတဲ့အခါ ဘားကုတ်တွေ ဘာတွေတောင်းလို့ ရှာပေးခဲ့ရတာရှိတယ်။


မြန်မာအမျိုးသမီးများစောင့်ရှောက်ရေးအဖွဲ့ကနေပြီးတော့ သေဆုံးသူ မရွှေရည်ဝင်းရဲ့ လူသတ်တရားခံကို သေဒဏ်ပေးရေးလှုပ်ရှားမှု အပါအ၀င် လူသတ်မုဒိမ်းကောင်တွေကို သေဒဏ်ပေးရေး လှုပ်ရှားမှုတွေ လုပ်ကြပါတော့မယ်။ ဒီလို လှုပ်ရှားမှုတွေအပေါ် ဦးတို့အနေနဲ့ ပါဝင်သွားဖို့ရှိလားခင်ဗျ။


ဦးတို့အနေနဲ့ကတော့ ဒီလှုပ်ရှားမှုမှာ ပါဝင်ဖို့တော့ မရှိပါဘူး။ တရားဥပဒေစိုးမိုးရေးအရတော့ စောင့်ကြည့်မှာပါ။


 


 

ရန်ကုန်မြို့မှာ လူသတ်ခံနေရတာတွေရှိတယ်။ အကြမ်းဖက်ခံနေရတာတွေရှိပါတယ်။ ဒီလို ဖြစ်စဉ်တွေအပေါ်မှာ ရန်ကုန်မှာနေထိုင်တဲ့သူတယောက်အနေနဲ့ ဘယ်လိုမှတ်ချက်ပေးချင်ပါသလဲ။


(သေဆုံးသူ မရွှေရည်ဝင်း၏ အဒေါ်ဖြစ်သူ ဒေါ်သင်းချိုချို ပြောကြားချက်)


ဒါကတော့ ရိုးရှင်းပါတယ်။ အစ်မတို့အတွက် လုံခြုံမှုဆိုတာ ကိုယ်လုပ်လို့ရတာ မဟုတ်ဘူး။ ကိုယ့်တိုင်းပြည်ကို ဦးဆောင်နေတဲ့ သူတွေလုပ်ပေးမှပဲရနိုင်မှာပါ။ ဟုတ်တယ်မလား။ ကိုယ့်လုံခြုံရေးကတော့ ကိုယ်ကိုတိုင်လုပ်ရမှာအမှန်ပဲ ဒါပေမဲ့ မိန်းမသား တယောက်အနေနဲ့ ဘယ်လောက်အထိ စွမ်းဆောင်နိုင်မှာလဲ။ အခုချိန်မှာတော့ ရွှေရည်ဟာ ပြန်ရှင်လာနိုင်ရင် သူ့ကိုပဲလိုချင်တယ်။ ပစ္စည်းယူသွားပါစေ လူကို ဘာမှ မလုပ်ခဲ့ရင်တောင် ပြဿနာမဟုတ်ပါဘူး။ အခု ဖြစ်သွားရတာလည်း ဘ၀မှာ အိမ်မက်ဆိုးကြီးတခုပဲ။ တဦးတည်းသောသမီးလေးပါ။ အတိတ်တစ္ဆေခြောက်နေသလို အစ်မတို့ရင်ထဲမှာ ခံစားနေရတယ်။


ကျော်သက်အောင်၊ ကျော်ကျော်