မြန်မာနိုင်ငံအခြေခံအဆောက်အဦ ဖွံ့ဖြိုးတိုးတက်ရေးအတွက် အကူအညီသစ်များပေးအပ်သွားမည်ဟု ဂျပန်ဝန်ကြီးချုပ် ရှင်ဇိုအာဘေးပြော


ဂျပန်နိုင်ငံသို့ အလည်အပတ်ရောက် ရှိနေသည့် နိုင်ငံတော်သမ္မတဦးထင်ကျော်သည် ဂျပန်ဝန်ကြီးချုပ်ရှင်ဇိုအာဘေးနှင့် ဒီဇင်ဘာ ၁၄ ရက် နေ့လယ်ပိုင်းက သီးသန့်တွေ့ဆုံသည်။


ထိုသို့တွေ့ဆုံစဉ် မြန်မာနိုင်ငံ၏ အခြေခံအဆောက်အဦ ဖွံ့ဖြိုးတိုးတက်ရေးစီမံကိန်းများအတွက် ဂျပန်အစိုးရအနေဖြင့် ကူညီထောက်ပံ့မှုအသစ်များ ပေးအပ်သွားမည်ဖြစ်ကြောင်း ရှင်ဇိုအာဘေးကပြောသည်။


အဆိုပါစီမံကိန်းများသည် စီးပွားရေးမြို့တော်ဖြစ်သည့် ရန်ကုန်မြို့ ဖွံ့ဖြိုးတိုးတက်ရေးအတွက် ရည်ရွယ်ကြောင်း၊ လျှပ်စစ်မီး အခြေအနေတိုးတက်ကောင်းမွန်ရေးနှင့် ကုန်စည်ပစ္စည်းများ ထောက်ပံ့ပို့ဆောင်ရေးတွင် ပိုမိုလွယ်ကူချောမွေ့စေရေးအတွက်ဖြစ်ကြောင်း သိရသည်။


ထို့ပြင် စစ်အုပ်ချုပ်ရေးစနစ်မှ ဒီမိုကရေစီစနစ်သို့ မြန်မာ့နိုင်ငံရေးအသွင် ကူးပြောင်းမှုတွင် ဂျပန်နိုင်ငံက အစွမ်းကုန် ဆက်လက်ပံ့ပိုးသွားမည်ဖြစ်ကြောင်း ရှင်ဇိုအာဘေးက ထပ်လောင်းပြောကြားသည်။


ဂျပန်-မြန်မာ နှစ်နိုင်ငံချစ်ကြည်ရေးကို အရှိန်အဟုန်မြှင့်တင်နိုင်မည့်အစီအစဉ်သစ်များအဖြစ် မြန်မာနိုင်ငံတွင် ဂျပန်ဘာသာစကားသင်ယူမှု တိုးတက်များလာစေရန်၊ ဂျပန်ကုမ္ပဏီများ၏ ရင်းနှီးမြှုပ်နှံမှုကို တိုးချဲ့ရန်အစရှိ သည့် အစီအစဉ်များကိုလည်း ရှင်ဇိုအာဘေးက ထည့်သွင်းပြောကြားခဲ့ကြောင်း သိရသည်။


ဂျပန်ဝန်ကြီးချုပ် ရှင်ဇိုအာဘေး၏ ပြောကြားချက်များအား နိုင်ငံတော်သမ္မတ ဦးထင်ကျော်က ချီးကျူးပြောကြားသည်။


''ဂျပန်နိုင်ငံဟာ မြန်မာ့ဒီမိုကရေစီ အသွင်ကူးပြောင်းရေးဖြစ်စဉ်သမိုင်းမှာ အရေးပါပြီး ချစ်ကြည်ရင်းနှီးမှုရှိတဲ့ နိုင်ငံတနိုင်ငံဖြစ်ပါတယ်''ဟု သမ္မတဦးထင်ကျော်က ပြောသည်။ ခေါင်းဆောင်နှစ်ဦး တွေ့ဆုံရာတွင် ရခိုင်ပြည်နယ်အခြေအနေများ တိုးတက်ကောင်းမွန်လာရေးအတွက် မည်သို့လုပ်ဆောင်သင့်သည်ကို အမြင်ချင်း ဖလှယ်ခဲ့ကြသည်။


''ရခိုင်ပြည်နယ်ပြဿနာမှာ လူ့အခွင့်အရေး၊ လူသားချင်းစာနာထောက်ထားမှုအကူအညီပေးအပ်ခြင်းဆိုင်ရာ ကိစ္စရပ်တွေအပေါ်စိုးရိမ်မိကြောင်း ကျွန်တော် ပြောခဲ့ပါတယ်။ ဂျပန်နိုင်ငံအနေနဲ့ ရခိုင်ပြည်နယ်တည်ငြိမ် အေးချမ်းရေးအတွက် မြန်မာအစိုးရရဲ့ ကြိုးပမ်းမှုကို ဆက်လက်ကူညီထောက်ခံသွားမယ်''ဟု ရှင်ဇိုအာဘေးက တွေ့ဆုံမှုအပြီးသတင်းစာရှင်းလင်းပွဲတွင် ပြောသည်။


သမ္မတဦးထင်ကျော်သည် ကုလသမဂ္ဂ၏အစီအစဉ်ဖြစ်သည့် အပြည်ပြည်ဆိုင်ရာ ကျန်းမာရေးစောင့်ရှောက်မှုအစီအစဉ် (Universal Health Coverage) ဆိုင်ရာဆွေးနွေးပွဲသို့ တက်ရောက်ရန် ဂျပန်နိုင်ငံသို့ ရောက်ရှိနေခြင်းဖြစ်သည်။


အဆိုပါအစီအစဉ်သည် ကုလသမဂ္ဂ အဖွဲ့ဝင်နိုင်ငံများမှ ဆေးကုသမှုစရိတ်စက မတတ်နိုင်သူများအနေဖြင့် ကျန်းမာရေးစောင့်ရှောက်မှုရရှိနိုင်ရေးအတွက် ရည်ရွယ်ပြီး ၂၀၃၀ ခုနှစ်တွင် စတင်နိုင်ရန် ရည်မှန်းထားသည်။ ယင်းအစီအစဉ်အတွက် ဂျပန်နိုင်ငံက ဒေါ်လာ ၂ ဒသမ ၉ ဘီလီယံ ထည့်ဝင်မည်ဖြစ်ကြောင်းလည်း ရှင်ဇိုအာ ဘေးက ပြောသည်။


၂၀၁၆ စက်တင်ဘာလအတွင်းက လာအိုနိုင်ငံတွင်ပြုလုပ်သော အာဆီယံထိပ်သီးအစည်းအဝေးတွင် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် ရှင်ဇိုအာဘေးတို့ သီးသန့်တွေ့ဆုံခဲ့၍ မြန်မာ့စိုက် ပျိုးရေးကဏ္ဍဖွံ့ဖြိုးတိုးတက်ရေးနှင့် ဆင်းရဲမွဲတေမှုပပျောက်ရေးအတွက် ဂျပန်ယန်း ၁၂၅ ဘီလီယံ (ကန်ဒေါ်လာ ၁ ဒသမ ၂၃ ဘီလီယံ)ကူညီထောက်ပံ့ရန် ကတိပြုခဲ့သည်။


ထို့ပြင် ၂၀၁၆ နိုဝင်ဘာလအတွင်းက ဒေါ်အောင်ဆန်းစုကြည်သည် ဂျပန်နိုင်ငံသို့ သွားရောက်ခဲ့ပြီး ၎င်းခရီးစဉ် အတွင်း တွေ့ဆုံမှုတွင်လည်း မြန်မာပြည်တွင်းငြိမ်းချမ်းရေးနှင့် ဖွံ့ဖြိုးတိုးတက်ရေးအတွက် ငါးနှစ်တာကာလအတွင် ဒေါ်လာ ၇ ဒသမ ၇ ဘီလီယံကူညီထောက်ပံ့မည်ဟု ရှင်ဇိုအာဘေးက ကတိပြုခဲ့သည်။


မော်ရိုး


Ref; Kyodo